Təlim zamanı Azərbaycan Respublikasının Konstitusiyasında təsbit olunmuş müdafiə hüququnun mahiyyəti, bu hüququn cinayət mühakiməsində rolu və təminat mexanizmləri ətraflı şəkildə izah olunmuşdur. Müdafiə hüququnun hüquqi təbiəti, şübhəli və təqsirləndirilən şəxsin əsas prosessual hüquqları, vəkilin cinayət prosesində iştirakı və müdafiənin həyata keçirilmə formaları konstitusion və cinayət-prosessual normalar kontekstində təhlil olunmuşdur.

Sessiya çərçivəsində müdafiə hüququnun pozulmasının hüquqi nəticələri, ədalətli məhkəmə araşdırması prinsipi, tərəflərin bərabərliyi və çəkişmə prinsipi kimi fundamental anlayışlar praktiki nümunələr əsasında izah edilmişdir. Həmçinin ilkin istintaq mərhələsində müdafiənin təmin olunması, sübutların toplanmasında müdafiə tərəfinin rolu və məhkəmə baxışı zamanı müdafiə strategiyalarının qurulması məsələlərinə diqqət yetirilmişdir.