Layihənin əsas məqsədi ölkə üzrə gənclərin hüquqi biliklərinin artırılması, vətəndaş cəmiyyətinə inteqrasiyanın təşviqi və hüquqi mədəniyyətin formalaşdırılmasıdır.

24 iyun 2025-cil tarixində “Şirvan Gənclər evi” sosial xidmət müəssisəsinin təşkilatçılığı ilə layihə çərçivəsində “Rəqəmsal hüquqlar və onlayn məkankarda azadlıq” və “İnsan alverinə qarşı mübarizə və hüquqi müdafiə” mövzularına həsr olunmuş təlim sessiyası baş tutdu.

Təlim zamanı iştirakçılara rəqəmsal hüquqların mahiyyəti, onlayn platformalarda ifadə azadlığının hüquqi çərçivəsi, kibertəhlükəsizlik və şəxsi məlumatların qorunması, həmçinin insan alverinin hüquqi və sosial aspektləri, bu cinayətlə mübarizə yolları, zərərçəkmiş şəxslərin hüquqi müdafiəsi və reabilitasiya imkanları haqqında ətraflı məlumat verildi.

İnteraktiv şəkildə keçirilən sessiya zamanı gənclərin sualları cavablandırıldı, real həyat nümunələri üzərindən müzakirələr aparıldı və qrup şəklində tapşırıqlar vasitəsilə öyrənilən biliklər praktiki şəkildə möhkəmləndirildi.