İntellektual Könüllülər Liqasında ümumilikdə 100 könüllü gənc iştirak edərək 11 komanda şəklində iki tur üzrə bilik və bacarıqlarını sınayıblar. Birinci tur dünyagörüşü və ümumi intellektual bilikləri əhatə edib. İkinci tur isə media və informasiya sahəsinə dair mövzular üzrə təşkil olunub.

Yarışda “Femida Könüllüləri” Təşkilatının komandası da fəal iştirak edərək yüksək nəticə göstərib və II yerə layiq görülüb. Komanda üzvləri bilik səviyyəsi, analitik düşünmə və koordinasiyalı komanda işi ilə seçilərək müsabiqədə uğur qazanıblar.

Sözügedən intellektual yarış gənclərin analitik düşünmə, tənqidi yanaşma və komandada işləmək bacarıqlarının inkişafına töhfə verməklə yanaşı, media mühitində məlumatlara düzgün yanaşma vərdişlərinin formalaşdırılmasına xidmət edib.

15–22 dekabr tarixlərini əhatə edən “Media Savadlılığı” Həftəsinin əsas məqsədi cəmiyyətdə media savadlılığının artırılması, dezinformasiya ilə mübarizə sahəsində maarifləndirmənin gücləndirilməsi, yeniyetmə və gənclərin bu istiqamətdə bilik və bacarıqlarının inkişaf etdirilməsi, eləcə də müxtəlif qurumlar arasında əməkdaşlığın genişləndirilməsidir.